З “Вясёлкай” крочым па жыцці. У Дзяржынскім раёне прайшоў конкурс сямейнага чытання
![](https://dzr.by/app/uploads/2024/04/photo_2024-04-02_10-49-38_11zon-1024x768.webp)
Важнасць сямейнага чытання нельга пераацаніць, бо менавіта яно спрыяе гарманічнаму развіццю асобы дзіцяці, якаснаму выхаванню.
У Дзяржынскім раёне вучні пачатковых класаў разам са сваімі бацькамі, бабулямі і дзядулямі, брацікамі і сястрычкамі прынялі актыўны ўдзел у конкурсе сямейнага чытання «З “Вясёлкай” крочым па жыцці».
![](https://dzr.by/app/uploads/2024/04/photo_2024-04-02_10-49-35_11zon-1024x682.webp)
На свята запрошаны ганаровыя госці – Уладзімір Сцяпанавіч Ліпскі, старшыня рэдакцыйнай калегіі часопіса для дзяцей “Вясёлка”, Ірына Ігараўна Ходзіна, намеснік галоўнага рэдактара.
![](https://dzr.by/app/uploads/2024/04/photo_2024-04-02_10-49-33_11zon-768x1024.webp)
![](https://dzr.by/app/uploads/2024/04/photo_2024-04-02_10-49-36_11zon-768x1024.webp)
“Мы стараемся рознымі яе колерамі ўздзейнічаць на душу дзіцяці, закранаць яго сэрца і розум. Мы ідзём да нашых чытачоў з мастацкім, літаратурным словам. Роднае слова, беларуская мова – вось на чым трымаецца наша “Вясёлачка”! Мы выхоўваем у дзяцей аснову асноў – павагу да сваёй зямлі і любоў да тых людзей, якія за руку вядуць іх па жыцці”, – з такімі словамі прывітання звярнуўся да юных канкурсантаў і іх сямей Уладзімір Сцяпанавіч.
![](https://dzr.by/app/uploads/2024/04/photo_2024-04-02_10-49-50_11zon-1024x682.webp)
Усе жадаючыя змаглі атрымаць аўтограф і сфатаграфавацца з любімым пісьменнікам. Супрацоўнікі “Вясёлкі” адзначылі высокі ўзровень падрыхтоўкі конкурсных нумароў, неардынарнасць выступленняў, па-сапраўднаму сямейную атмасферу на конкурсе.
Пераможцы конкурсу атрымалі каштоўныя падарункі ад выдавецтва “Адукацыя і выхаванне” – кнігу “Мелодыя душы”, выбраныя нумары часопіса, цікавыя закладкі з QR-кодамі.
![](https://dzr.by/app/uploads/2024/04/photo_2024-04-02_10-49-51_11zon-1024x682.webp)
Па выніках конкурсу ўзнагароджаны:
Ксенія Малашка, вучаніца 4 класа гімназіі № 1 г.Дзяржынска (дыплом першай ступені);
Мікалай Гаркун, вучань 1 класа Путчынскай пачатковай школы (дыплом першай ступені);
Вікторыя Колас, вучаніца 3 класа сярэдняй школы № 4 г.Дзяржынска (дыплом другой ступені);
Дзяніс Чурыла, вучань 3 класа Негарэльскай базавай школы № 2 (дыплом другой ступені);
Ксенія Галак, вучаніца 1 класа гімназіі г.Дзяржынска (дыплом трэцяй ступені);
Сцяпан Шылавец, вучань 1 класа сярэдняй школы № 2 г. Дзяржынска (дыплом трэцяй ступені);
Кірыл Мацкевіч, вучань 3 класа сярэдняй школы № 1 г.Фаніпаля (дыплом трэцяй ступені);
Наталля і Бабко, вучаніца 2 класа Дварышчанскай сярэдняй школы Дзяржынскага раёна, і Віктар Бабко, вучань 4 класа Дварышчанскай сярэдняй школы Дзяржынскага раёна (дыплом трэцяй ступені).
Удзельнікі конкурсу ў чарговы раз пераканаліся, наколькі гэта гэта здорава – з “Вясёлкай! Крочыць па жыцці!
![](https://dzr.by/app/uploads/2024/04/photo_2024-04-02_10-49-45_11zon-768x1024.webp)
Рекомендуем
![](https://dzr.by/app/uploads/2022/03/solncze.jpg)